平時想係慣用嘅配搭單品上面注入春風，為今個春天沾染春日氣息？只要揀唔同質地，即刻變成時下最新嘅潮流！

透明質地

有D上季衫想著埋落今季？透明質地嘅袋可以拯救色彩／質地偏重嘅冬季衫配搭。市面上推出左好多透明質地嘅袋，而好多彩色透明質地都有內袋設計，唔洗驚畀人睇蝕哂。不過提提大家，如果配搭上太過casual服裝就會同去游泳池嘅小學生一樣！記得將佢當作跳脫嘅風格元素，試下襯一d稍為正經嘅衫。

籐袋

春夏都會好流行籐袋，混合不同風格塑造出「時尚達人」嘅風範。因為籐籃意外地可以融入任何服飾，用起嚟隨心所欲，最好係襯返同手袋唔同嘅風格，唔好襯埋成套波希米亞風咁，到時俾人笑以為你真係渡假。

腰包

相信大家對腰包都唔陌生，小孭袋流行過後又會開始流行腰包，以運動風類型嘅腰包就可以令到連身裙或者貼身型嘅女性化服飾跳脫既定嘅風格，營造出休閑運動風！大家記得唔好齊齊整整咁一野綁係腰上面，如果唔係就會好老土！。斜咩或者當作則孭袋去使用！

Source：

Milkfed

Zip Magazine