各大化妝品品牌而家已經開始陸續公布2018年春季系列產品,Lancôme亦都唔例外。今年Lancôme就以法式糕點為主題,推出「French Temptation」系列化妝品,包括馬卡龍腮紅、十色眼影盤、染唇液、腮紅高光二合一氣墊、眼影筆及指甲油,由包裝到顏色都非常少女,真係可愛到想咬一啖!

Sweet  Macaroon Blush & Blender 腮紅及粉撲組

aiwxfu

以經典法式點心馬卡龍作為設計,Sweet Macaroon Blush & Blender共有粉紅及珊瑚兩種腮紅色號選擇,附上專用白色粉撲,就好似夾住忌廉夾心嘅馬卡龍咁,絕對會係今個春天你個化妝袋入面最甜單品。

Eye Sugar Palette 十色眼影盤

rsoso

如百花奼紫嫣紅,又如糖果五彩繽紛,春天不妨跳出眼影comfort zone,親自試一試Eye Sugar Palette嘅甜蜜眼妝有幾甜。十種顯色度極高嘅細緻眼影,加上配色可愛嘅眼影掃,化妝原來可以咁好玩!

Jelly Flower Lip Tint 染唇液

1xcvm8

冇人可以抗拒得到擺咗花入去嘅化妝品,因為真係太可愛啦!加入花瓣嘅Jelly Flower Lip Tint唔止睇落靚,仲會為你雙唇染上自然健康嘅柔嫩色彩,配合全系列化妝品色調,令你喺生機勃勃嘅春天繼續明媚照人。除此之外,Lancôme L’Absolu Rouge唇膏亦會推出全新限定四色,比你更多選擇。

Light Cream Duo Cushion 腮紅高光二合一氣墊

kbk miy

調整膚色對於整體妝容效果非常重要,如果可以一盒氣墊負責多種功能,就真係可以幫化妝袋空出唔少位,擺多枝唇膏都好吖~Light Cream Duo Cushion就推出兩個色號,Juicy Berry & Bright Peach係腮紅加調色,Refreshing Pistachio & Pinky Peach係高光加調色,輕鬆完成妝容。春季限定包裝氣墊粉底亦會同時發售,規格同Lancôme平時嘅氣墊粉底一樣,可以幫你手上嘅產品換上新裝。

Ombre Hypnôse Mini Chubby 迷你眼影筆

iygivm

Ombre Hypnôse眼影今次縮小登場,細細枝方便攜帶,creamy質地令你上妝不費吹灰之力,亦可同粉狀眼影重疊使用,變出亮麗色彩。

Le Vernis 限定四色指甲油

8v4

最後當然唔少得Lancôme Le Vernis指甲油新色,三款底色延續春季系列粉嫩少女風格,閃爍白色同樣動人,十指指尖一樣要咁精緻,先係最可愛嘅女人。

2018年想做馬卡龍系甜美女孩,Lancôme French Temptation絕對係必入化妝品!仲有其他品牌嘅新品推介,繼續留意Eilly為你帶來新消息啦~

喜歡我們的文章嗎?按個讚吧!

關 閉 視 窗

(502)