當你開始希望墜入愛河並且想好好地搵個男人建立健康的關係（甚至可能會結婚白頭到老！），你就會開始疑惑點樣先能夠判斷到呢一個人係咪值得信任而且值得你為佢付出？

在花了幾年時間遇到過好多不同既人，同好多不同既人約會之後，小編終於意識到，擁有以下呢三種特質既男人，先算係可以發生長期關係既對象。好男人會通過行動黎對你示愛。因為佢地知道，要贏你既心，透過建立一個值得信賴既回憶先至係最重要！所以作為「婚姻材料既好男人」，基本上要展現出三種特質：
1.佢為人大方
大方係你可以信任男人既標誌。當佢地愛你、墜入愛河個陣，會對你好慷慨好大方而且不拘小節。佢會知道你需要既野投其所好、同你約食飯佢會想幫你埋單、經過見到你想買D咩佢都想幫你畀錢。所以大方係一個男人準備同你建立關係既象徵，雖然聽落好怪，但佢呢個動作係證明到，佢肯付出同投資係你身上。

2.佢會保護你
一個你可以信任既男人係會關心你身體健康既人。譬如會想知道你做緊D咩係邊到同緊咩人一齊，天氣就算好凍你唔記得帶褸佢都會寧願自己凍除件褸畀你著、知你病會買藥煲粥你食、關心你同你屋企人關係等等。每次出完街拍拖，佢都會打畀你或者msg你確保你已經返到屋企。如果一個男人表明對作出保護你既行動，係一個跡象顯示佢係你可以開始信任既男人！

3.他會珍惜你

一個值得信賴既好男人會關心你既感受，佢會make sure自己既所作所為都唔會令你難受，支持你想做既野，心痛你工作辛苦，陪你渡過好與壞日子。佢唔希望帶畀你任何Hard Feeling，每一日都想你過得開開心心並且珍惜同你相處時光。

Reference ：
James Allen Hanrahan

Source：

Pinterest

#LOVE

#relationship

#Mr.Right