日本日清食品Marketing手法出名有創意，早前佢喺官方Twitter上載咗一個概念商品，喺呢個可能有得傾加人工嘅季節，用嚟比各位打工仔「扮哂蟹」！？

概念商品：扮哂嘢杯麵領呔

Lunch Hour嘅時候，你可以透過呢條呔話俾你老細知：嗱！我好忙㗎！我唔得閒出街食飯，留喺公司捱杯麵咋！咁就可以塞住你個麻煩上司把口，或者搏你老闆升你職、加你薪！用法如下圖所示：

為咗令演出更成功，請你順便配合埋無辜、可憐、病弱嘅表情，搏取高層同情加分！

除咗以上呢個杯麵領呔，仲有一系列創意商品，夠貼地又有自嘲同玩嘢成份，可以見到日清嘅Marketing真係好犀利～

淥杯麵變件衫

之前同Suntory BOSS咖啡聯手推出嘅「五分鐘杯麵外套」紅到去外國，概念就係將件衫壓縮到一個麵餅咁大，只要加水就可以浸到佢打回原型。呢個「五分鐘杯麵外套」真係有實體化，成為咗一個Campaign嘅獎品，可惜得獎者只得一個，得個睇字！

https://www.youtube.com/watch?v=N3o1lJ97g0M

條片上年仲紅到去外國，創意滿分呀！

日清杯麵拉炮

日清食品喺自己嘅Online Store推出咗一款網購限定嘅杯麵拉炮，外型係Classic日清杯麵包裝，一拉就會爆出黃色麵條、蝦粒、牛肉粒、玉子、青蔥等，成個真嘅杯麵咁足料，Party上用嚟炒熱氣氛啱哂！

商品日本日清食品Online Store網購限定，而家仲有得賣㗎！ ¥270 一包4支，價錢合理喎！

日清食品官方購買網址：https://store.nissin.com/jp/feature/cupnoodlecracker/

杯麵湯底沙律汁

呢款係同樣出現喺官方Twitter，說明仲寫明佢有粒粒杯麵配料，絕對有潛力造就暗黑料理，興幸佢仍然只係概念商品，不日發售，各位可以暫時鬆一口氣～

十級好笑 九唔搭八Poster

仲有呢張自嘲Poster，背後故事真係令人笑到透唔到氣⋯⋯

老闆腦殘要求 設計師崩壞之作

話就話係亂嚟同九唔搭八，但睇得出背後構思好花心機㗎！只能說日本人嘅創意同細心實在太勁了！