好多時候我地成日聽到男人講「沒所謂」、「是但啦」，但事實上，其實男人同女人都係一樣，把口話唔介意內心係點諗真係無人知？以下呢5件事，係女人眼中可能只係一件小事，但係男人心目中危險程度仲衰過「戴綠帽」，隨時令佢地痴線，頂你唔順要同你分手，咁多位姊妹自己執生啦！
女生們如果唔想經常同男友嘈交，唔想破壞彼此感情，就醒醒目目，認清男生Care D咩野！以下呢5件事會成為感情中分手導火線 ：
成日男人陪你逛街
世界上無幾多個男人真係enjoy shopping陪你買女裝，間唔中一兩次可能都ok頂得順，但無限次強迫既結果就是就—反面。對於Shooping呢家野，都係同閨密一齊行比較好啦。
多疑既女人好可怕
成日胡思亂想多半係因為係關係入面缺乏安全感同無自信心造成。偶爾呷下醋會令對方覺得好甜蜜，但當男友講咩你都唔信，成日捕風捉影，日日check Whatsapp／Facebook又要stalk 佢身邊紅顏知己既IG，呢段關係唔止你男友辛苦，相信你都好辛苦。
真・野蠻女友
係追緊你個陣、熱戀個陣你都係一直小鳥依人，點知道一齊耐左你就好似張柏芝咁河東獅吼，假若我係男人，諗起都即刻想退貨。唔係個個男人都頂得順全智賢伽！
瘋狂比較前任
女人偶然任性一下、呷下醋先顯得自己有地位；不過都要記得⋯⋯唔好去咁盡男人都係有底線。岩岩開始拍拖／感情開始出現問題個陣，如果將自己瘋狂比較前任呢件事絕對會激嬲佢！如果你男朋友無繼續同前女友藕斷絲連，而家只愛妳一個人，咁就過去既事就由佢過去啦！唔好再逼男朋友比較自己同EX之間既優劣，呷醋無好結果。
唔好有意無意地試探佢
有D女仔成日以分手作為威脅，事實上，當你成日畀呢D暗示佢，佢既潛意識就會漸漸有做好分手既準備。咁樣既行為只會令男人覺得「狼來了」，然後就覺得你好煩好煩， 醞釀成真．分手。
#分手導火線
#relationship
PC (explore more)- The tracking widget (invisible) is used to trigger the Explore More Widget. Implement it anywhere on the page
