嚟緊就係農曆新年，有幾日假放，食完飯一家大細想搵地方行吓影吓相？今年置富Malls旗下嘅商場就邀請咗華納兄弟經典動畫LOONEY TUNES嘅人物嚟陪你過新年，由即日起至3月5日，置富商場將會有一系列嘅賀年慶祝活動，有打卡靚相位之餘仲請嚟人氣藝人同你拜年，一齊嚟睇吓各區嘅「置富Malls x LOONEY TUNES新春大派對」有咩玩啦！

馬鞍山廣場x LOONEY TUNES 歡欣團圓大宅

兩米高嘅賓尼兔現身馬鞍山廣場同你一齊食團年飯，桃花樹、利是封、願望井同盤菜裝飾比你同屋企人一齊影靚靚合照。1月21日下午2：00仲請嚟人氣歌手JW 王灝兒擔任「樂也融融迎新春」獻唱嘉賓，同日3：00就有「LOONEY TUNES 見面抱抱會」，調皮翠兒公仔同你嚟個愛的抱抱，團團圓圓過肥年！1月28日下午5：00有「傳統雜技奇藝賀新春」表演，為你帶嚟中國舞蹈、四川變臉、中國功夫等項目，唔好錯過呀！

天水圍置富嘉湖x LOONEY TUNES 有求必應揮春小檔

新年裝飾點又點少得揮春呢？天水圍置富嘉湖擺設嘅阿寶翠兒揮春小檔祝願你新一年心想事成！第一炮特備節目會喺1月28日下午12：30上演，雜技團嚟到表演多項中國傳統奇藝；2月25日下午2：00就會有新晉女藝人江嘉敏現身「願望成真大派對」，同日3：00「LOONEY TUNES 見面抱抱會」又再出動，今次輪到阿寶出場陪你影靚相，記住去集郵啦！

麗港城商場x LOONEY TUNES 家肥屋潤美食檔

要家肥屋潤梗係要食飽飽啦！阿寶同翠兒主理香港特色小食檔，提供地道小食，包括魚蛋、燒賣及墨魚丸等，仲有多款港式飲品。去到2月4日下午2：00就有潛力演員楊潮凱擔任「家肥屋潤過肥年」嘉賓，3：00仲有塔斯嚟到「LOONEY TUNES 見面抱抱會」，比你任影唔嬲！

其他節富Malls特備節目

「置富第一城x LOONEY TUNES 喜氣洋溢熱鬧花市」喺1月28日下午3：00會有「傳統雜技奇藝賀新春」表演；而「紅磡置富都會x LOONEY TUNES 願望成真祈福閣」就會有吉祥太鼓，一齊擊鼓祈求好運！

置富Malls消費換領LOONEY TUNES限量版禮品

由1月20日中午12點開始，喺置富嘉湖、置富第一城、置富都會、馬鞍山廣場、都會駅任何2間商店累積消費滿HK$800，即可換領 LOONEY TUNES限量版湯杯；另一款LOONEY TUNES多用途袋就要去到2月3日中午12點起，於以上商場任何2間商店累積消費滿HK$900換領。注意每張發票必須消費HK$100或以上，每日禮品數量有限，先到先得，換完即止，活動受有關條款及細則約束，大家記住要參閱場內宣傳品啦！