2018年話咁快就過左上半年啦！今日同大家分享最新既日本藥妝必買款，小編為大家整理左各式日本藥妝必買精選，美白、護膚、保濕等保養品⋯⋯，快D睇下有咩岩你用！

MUJI 無印良品導入液

首先要同各位介紹既係@Cosme排名第一既無印良品導入液，成分取自日本岩手縣釜石天然水製成既肌膚保養系列。推薦返大家係化妝水之前使用，將塊面洗乾淨之後再用會比較容易吸！建議搭配埋一樣廣受好評既無印良品高保濕敏感肌化妝水成套一齊用！

 NIVEA 綿密保濕洗面乳

舊年NIVEA新出左隻由吉瀬美智子代言既洗面乳，亦都係@cosme排行榜中居高第一名產品，出哂名以細緻綿密既泡泡來帶走污糟野，並具超高保濕度，係一款又平又高CP值既product。

煥采賦活緊緻晚霜 / KANEBO

KANEBO 既煥采賦活系列，以「時間美容」既概念推出左日霜同晚霜，呢款晚霜既延展性好好，只係用小小就可以滋潤全面，而且仲有淡淡既玫瑰香氣tim！

 LuLuLun 櫻花保濕面膜

論到日本面膜相信大家都會諗到LuLuLun，2018年上半年必買緊係春季限定既櫻花保濕面膜了！換季皮膚好易有敏感問題出現，面膜以櫻花萃取保濕因子搭配紫蘇葉、竹筍、紅富貴茶葉所萃取既保養整肌成份，再加上好治癒既櫻花香味，相當唔錯！

近江兄弟社Menturm  – Verdio 防曬精華乳

2018 年近江兄弟社Menturm延續佢地牌子既強項，推出左主打可以擋紫外線、乾燥、花粉 同PM2.5既防曬 Verdio 系列，好推又滋潤，就算係敏感肌都可以用呢！