最近你突然萌生左一種感覺，令你對感情失去左信心，並且開始懷疑自己佢係咪有必要繼續行落去⋯⋯繼而你可能諗到進一步⋯⋯想同對方講分手！

但我地知「分手」呢兩個字，一講出口就好難有轉圜餘地，亦都會傷害到彼此之間既感情。到底係自己一時衝動，定係感情真係走到盡頭？ 當你諗清楚要走要留之後，以下有個7個步驟可以令你好好地同對方分手，唔會糾纏不清！

Step.1 諗清楚，確定自己真係想分手
如果係呢段關係入面，你已經無左幸福感？係咪因為互相溝通得唔好？係咪有一D野以前會同佢講但而家已經唔想講？開始成日搵D藉口畀自己避開佢唔想面對佢？又或者你己經失去左當初係呢個關係當中開心既感覺⋯⋯係你分手之前，你要諗到清清楚楚，確定自己真係想分手！

Step.2諗定分手個陣，你打算講D咩野？

當你同對方講分手個陣，對方第一個問題一定係問你「點解」「點解要咁對我」諸而此類⋯⋯幻想定分手當時既情節，你可以好簡單同佢講一句「我已經唔鐘意你」或者你可以講一堆你要離開既真心原因。

Step3 策劃係三小時之內完成呢個艱鉅任務
三小時足以令到佢有充分時間消化，而且可以避免係話題上重複打轉。

Step4 Plan下分手後既行程
譬如約下朋友睇戲或者整下頭髮改變下造型咁，都可以令你從難堪既局面中抽身，亦都有時間畀自己Relax一下，緩和分手情緒，咁就唔會一直諗住D不愉快既事。

Step5 向對方誠實的開口
講分手對雙方而言都係好難受，保持同理心，亦都唔好嘈交，直接點出想分手既原因！堅定自己，無論再講D乜都好，都無法改變呢個事實。

Step6 唔好感情用事
結束左就係結束左，唔好牽絆另一半！同你既EX講暫時唔會同佢保持聯絡，希望佢可以理解。因為⋯⋯拖延分手時間／畀機會再續前緣對自己／對方唔會有任何幫助！

Step 7 物歸原主
一對情侶相處得耐，自然有好多隨身物品係對方屋企。如果有野要歸還畀對方，可以揀係公眾場合交收。記得唔好講復合，亦都唔好強調分手既事實，咁先可以分得乾乾淨淨，避免陷入另一次長談。如果擔心自己搞唔掂，最好帶埋朋友一起去。

當結束左呢個煎熬過程之後，可能你既心情會難過好一陣子⋯⋯不過係正常既！

關係結束唔代表佢毫無意義，感情係成長中好重要既一部分。

感情係兩個人既事，無岩同錯！整理好心情，將心入面既感受清楚咁同對方表達，彼此溝通，互相體諒，分開⋯⋯其實可以分得乾脆！

Source： YouTube channel – Watchwellcast