韓國SPAO早前推出嘅「小新睡衣」大受歡迎，不論韓國同香港都出現搶購熱潮，甚至紅遍整個亞洲！！睇嚟又會吹起新一輪嘅搶購風，因為SPAO最近推出咗「冬季長袖版小新睡衣」！！仲有粉紅色特別版！！小編真係投晒降啦，香港幾時先至有呀，好想買件開睡衣Party呀！！

呢款咁可愛得意嘅「小新睡衣」，暫時只限定韓國SPAO先有得買，設計跟足卡通入面小新經常穿著嘅套裝睡衣。之前推出嘅夏季短袖版，開賣無耐已經瞬間售罄，SAPO今次再追加新出冬季裝，搶購熱潮睇嚟又開始啦！！

冬季版「毛茸茸小新睡衣」，著上去感覺好溫暖超舒服。長袖版睡衣一共有3種顏色可以選擇，除咗原有嘅綠色同白色之外，今次仲特別新出咗「粉紅色」，唔少韓國女生都高呼「好靚呀！！」，小編嘅少女心都被攻陷！！

玩味十足嘅「小新睡衣」，最好就係同另一半一齊著，一人一件穿搭不同顏色，變成「情侶裝睡衣」！！

喺屋企兩口子齊齊扮小新影相，場面溫馨又好笑，分享到IG放閃光彈啦！！

唔單止情侶之間可以穿「小新睡衣」，同大班閨蜜開睡衣Party都非常適合！！

甚至當家庭裝都係一個唔錯嘅選擇，小朋友都可以一齊扮小新！！

如果喺冷冰冰嘅冬天，可以同家人、朋友或者另一半穿上「毛茸茸小新睡衣」，感覺份外溫暖之餘，仲帶一點點兒時回憶，整個場面超有愛呀！！希望遲d香港都有得買啦！！