其實拍拖係應該開開心心，但係如果遇到「錯的人」，成件事就變得好可怕。

要點先知道你既另一半「恐怖指數」有幾高，以下有幾個特質係「恐怖情人」得徵，識得觀察先可以避免，保護自己。

1.情緒起伏大

係指拖期間緊係要互相愛護遷就，但總會有人突然「跳掣」，譬如突然之間係條街掉野暴怒、發癲哭，就好似一個「不定時炸彈」，要擔心佢幾時爆，與其係咁不如早走早著。

2.無生活重心

當一個人將自己既生活重心只放係你身上，就咁聽可能會覺得好Sweet，但只限於熱戀時期。但每個人始終都係一個獨立既個體有自己既生活⋯⋯當兩人之間行唔到落去，對方可能就會無法面對咁大打擊而作出唔理性既反應。

3.疑心病重

不論係男定女，成日對對方疑神疑鬼、無論你去邊都唔信任你、認為你隨時會背叛佢等等，都係最傷害感情。所有既情感其實都建立係信任之上，如果連公司同事打個電話同你嗲2句、閨蜜Send既MSG都會引起佢既疑心，開始質疑甚至審問你⋯⋯有咩意思？彼此之間咁大壓力，係拍拖之前如果知道對方咁既人，建議你都係快D掉頭。

4.佔有慾超強

佔有慾強既人，認為另一半百分之百都係屬於自己。所以⋯⋯對住另一半既朋友、工作、親戚甚至連寵物，都有可能會「搶走」，從而佔據左你成個生活⋯⋯但如果當佢發現你唔再係百分之百屬於自己個陣，就有可能會做出唔好既負面行為。（呢排多左好多情殺案件）

5.暴力

如果對方真係愛你，點都唔會令你受傷！除左言語暴力之外，只要對方曾經出過手，都係有危險性！打得你一次就會有第2次，小編都係建議你諗辦法安全咁離開啦！

6.沉溺藥物酒精

藥物同酒精都對人有昏迷、暈眩既副作用，係個個moment情緒會放大，因而影響一個人既控制能力。如果你既另一半有酗酒濫藥既壞習慣，勸佢盡早戒左佢！

#恐佈情人

#love

Source： istyle