世界盃開幕之後，最受女仔注目既當然係球場上既猛男帥哥！講到關注度最高既，當然係葡萄牙巨星C朗啦～男生們欣賞係佢既好腳法，而女生們最欣賞就係佢既Body。不過，係光鮮亮麗的背後，真實既C朗，球迷又知道幾多呢？

生理年齡只有23歲

C.朗拿度幾乎每日都會做1000個仰臥起坐黎維持肌肉既緊緻度。而且堅持每日至少訓八個鐘，並嚴格限制肉量攝入，以防攝入過高脂肪。

沒有紋身

唔少出名既球星身上都有好多紋身，但係C朗身上就一個都搵唔到⋯⋯點解呢？當然唔係因為佢怕痛啦。其實係關於佢既隊友馬田斯。馬田斯既仔仔有白血病，咁C朗就身體力行，好積極咁鼓勵人去捐血。但因為紋身會有感染經血液傳染病既風險，所以有規定紋身一年內既人不能捐血。

從不酗酒

C朗算係滴酒不沾既人，因為佢Daddy係2005年因為酗酒問題而離世，自個陣起，C朗就完全戒酒！

積極參與慈善活動

眾所周知，C朗熱心公益，佢更曾經捐出金球獎拍賣，為兒童慈善機構Make-A-Wish籌得60萬歐元。熱愛動物既佢亦曾經捐出1700磅畀就黎執粒既狗場，令狗場能夠繼續營運，人帥就是心地好！

#C朗
#世界盃
#葡萄牙