如果你係芝士嘅忠實Fans，一定有聽過日本超人氣品牌PABLO，呢個品牌嘅半熟芝士撻，無論要排幾耐隊都一定要買呀！！！而且PABLO仲會時不時推出「期間限定」新口味。今個聖誕節亦唔例外，新出朱古力同白朱古力兩款聖誕新口味，仲配搭流心覆盆子醬，甜甜酸酸好夾呀！！
白朱古力芝士撻上面放有雪人同聖誕樹裝飾，立即增加咗唔少節日氣氛。芝士撻上佈滿白朱古力碎，好似聖誕節落雪一樣呀！！
芝士撻內餡流心覆盆子醬，一啖可以食到芝士嘅香同覆盆子醬嘅果酸味道，而且覆盆子醬嘅酸可以中和食芝士撻嘅油膩感覺，食多幾件都唔怕食滯呀！售價為 278円。
想要試朱古力芝士撻？就一定要到PABLO CAFE坐低慢慢嘆啦！只限表參道同道頓堀PABLO CAFE發售嘅朱古力芝士撻，會配搭開心果口味雪糕一齊食，雙重滋味滿分！！
而覆盆子醬就會直接淋上芝上撻上面，果醬以覆盆子、新鮮士多啤梨、藍莓果肉打成，感覺好Fresh呀，同朱古力超配合呀！ 售價為 1,204円。
發售日期：2017年12月1日～2017年12月25日
PC (explore more)- The tracking widget (invisible) is used to trigger the Explore More Widget. Implement it anywhere on the page
