最近小編發現,有好多人對某D化妝品既稱號好模糊,當中最難區分既係Base同Primer。究竟呢兩樣野有咩分別呢?用既次序又有咩唔同呢?

 

Base同Primer分別:

 

好多女仔分唔到Base同Primer既分別,其實小編認為兩樣野無咩分別都係妝前底霜,基本上作用都係一樣,就係令你既妝容更貼服,幫助修飾肌膚瑕疵、均勻膚色令底妝更加Perfect。所以Base同Primer其實只係名唔同,就好似「陰公」同「無陰公」,性質一樣!所以化妝之前唔洗搽完Base又搽Primer,咁樣只會令個妝越黎越厚,增加皮膚負擔。

 

其實Base同Primer都係同一樣野黎,咁佢地分好多種類既,主要係無色同調色料啦。最常見既係透明無色,無色既主要係增加肌膚保濕度,令粉底更加持久同貼服。大部分既Base同Primer都會加入少量珠光效果,從而打造充滿光澤感既底妝啦~如果係太大既膚色問題,一般黎講揀無色就可以啦~

unnamed-53
但講到挑選調色Base同Primer,學問就大好多啦!正正係會見到好多唔同顏色既底霜。基本分為:黃色、綠色、紫色、藍色、粉紅色,根據自己不同膚色同不同需要而選擇。但建議調色用既Base同Primer唔需要單用/全面塗,只係搽係自己想改善既部位/混合粉底黎使用就得。

242937_4

粉紅色 – 經常「面青青」/面無血色既人,用粉紅色可以為肌膚增添好氣色。

黃色 –  針對皮膚暗沉既人,有提亮既功效。

綠色 – 暗瘡肌/膚色偏泛紅既人,綠色底霜特別適合用黎遮蓋暗瘡同紅印。

藍色/紫色 – 效果用綠色相似,可以遮蓋紅印同時亦都有提亮肌膚既效果。

 

 

 

除了以上的無色、調色既Base同Primer之外,亦都有D主要修飾毛孔妝前底霜,大家可以根據自己既肌膚而考慮用唔用!不過記住記住!Primer同base係一樣伽,千其唔好搽兩層咁傻豬!

#Base同Primer

#分唔到

喜歡我們的文章嗎?按個讚吧!

關 閉 視 窗

(192)