雖然「素顏眼線」可令你神不知鬼不覺地有「無妝感」妝容既效果，畀人清純感覺⋯⋯不過！想放大對眼同修飾臉形，始終都係需要一條清晰分明既眼線。就係2018 年開始試下畫「V型眼線」同「粗尾眼線」，即刻變成bling bling迷人電眼眼。

「V型眼線」

好多人以為V型眼線只係適合長眼形既女仔，其實V型眼線會將本身稍為圓既眼形變長，調整眼睛同臉形既比例，令眼神更加嬌媚，所以圓眼既女仔可以一試，令自己睇落成熟少少！

韓國美妝天后Pony一向都係「V型眼線」既表表者，整體妝容重點強調係眼妝部分。Pony好鍾意用焦糖色調既眼妝加上「V型眼線」，令眼睛更加有神之餘，精緻又有女人味。

「粗尾眼線」

如果本身眼距比較闊，畫素顏眼線其真實會更加突出呢個缺點。可以試下畫粗尾眼線，將重點放係眼尾，就可以解決到雙眼距離好遠呢個問題。

雖然近期素顏眼線當道，范冰冰一直都係粗尾眼線既擁躉之一。就算係平時生活既自拍，拉長既粗尾眼線再加上濃密既睫毛，華麗唔會太艷俗。

Source : Instagram

#makeup

#eyeline