天氣越黎越熱，香港又熱又濕，一化完貼貼服服既底妝由晏晝開始就崩壞；買左好多網紅推薦既遮瑕膏都仲係遮唔住黑眼圈？呢D化妝問題會日都深深困擾著小編我⋯⋯今次由CLIO韓國彩妝師Miss Song同大家分享下，無論新手老手係化妝過程中，大家最容易犯既3大錯誤！

1．遮瑕膏遮唔到黑眼圈？
反覆堆疊遮瑕膏都係無辦法將臉上既黑眼圈同痘痘遮住？根據Miss Song分析，發現遮瑕膏無效問題並不在於產品上面，而係大家既使用手法錯左！

正確遮瑕手法應該係用輕點而唔係推，如果用推只會將遮瑕膏都推開哂，咁就達唔到遮蓋效果。呢樣野聽過十幾萬次但當用起上黎都係會重複犯錯。

另外遮瑕膏出場既時間也有學問，如果係想遮斑、痘印之類會建議先用遮瑕膏後上粉底會更加自然，而遮黑眼圈則建議係上完粉底後揀稍微比膚色明亮一D既遮瑕黎上。

2．天氣好焗底妝一下就融化了？
呢個問題絕對係9成香港女仔係夏天上妝都會出現既困擾！原本出門前Perfect既妝容未到晏畫就己經GG左！想要防止甩妝，彩妝師話關鍵在於蜜粉呢個步驟！

係上蜜粉之前應該先用乾淨粉撲／面紙，將臉上粉底既油光都印走，否則蜜粉一拍上面就會油脂融合，妝感效果自然唔會好。到左補妝個時都係相同道理，先將油光按壓，如果有保濕噴霧的話最好都噴一噴幫肌膚降溫，再用氣墊粉餅／一般粉餅補妝就OK哂！

#CLIO

#韓國化妝師

Source：

istyle