D‧PARK愉景新城早前經翻新後，成為全球首個多元智能兒童購物樂園，大人可以購物消遣之餘，小朋友都可以喺商場內玩得開心。今個農曆年，愉景新城就推出一系列親子活動同套票優惠，放長假帶埋小朋友嚟有嘢玩又有嘢學！

全港首間兒童戲院CANDY PARK開幕

CANDY PARK BY CINEMA CITY上月試業後正式開幕，係全港首間以兒童為主題嘅戲院，入面其中一個House仲設有舞台，可以提供各類型嘅節目。由即日起至到2月28日，D‧PARK愉景新城推出「合家歡樂電影組合」，內含2張CANDY PARK電影換票証、$100餐飲現金劵以及特別版益智扭計骰一個，仲有其他商戶優惠券，總值$310。喺推廣期間嘅售價都只係$209，新年期間買2張戲飛都唔止呢個價錢，真係好抵呀！

咚咚仔小狀元陪你迎新春

帶小朋友出街玩嘅時候，都希望佢地同時可以學到嘢，愉景新城今年新春以小狀元為主題，祝願小朋友個個都快高長大，聰明伶俐！1月27日至3月4日，主角咚咚仔同Ah Meow聯同其他朋友化身金榜狀元，為大家細說狀元典故，介紹狀元歷史同埋有趣故事，等小朋友認識中國文化。

學習完歷史文化變叻叻之後，商場喺星期一至五下午3：30至6：30、星期六、日及公眾假期 下午2：00至7：00免費提供小狀元服，小朋友可以著上狀元服等爸爸媽媽幫你影靚相！

活動現場仲會派發Donut新年願望卡，小朋友同父母都可以寫低新年願望，掛上許願亭，心想事成，夠哂好意頭呀！走之前唔好錯過中庭高4米嘅大桃花，轉返個圈，增添人緣運自然做咩都順順利利啦！

「第二屆全港幼小學生利是封創作大賽」得獎展

早前舉行嘅D．PARK愉景新城「第二屆全港幼小學生利是封創作大賽」幼稚園親子組同小學組獎項已經誕生，商場將應屆冠亞軍作品製作成精美利是封，到時父母同小朋友一齊參觀展覽，啟發創意思維。憑最多4張即日電子消費單據滿$800，仲可以換領「童創新禧利是封」乙套㖭！

新年優惠套票及大抽獎

除咗以上CANDY PARK嘅優惠之外，愉景新城仲推出咗其他優惠套票，啱哂一家大細。另外，由1月26日至2月15日於D∙PARK愉景新城任何商戶，即日以單一電子消費幣$200即可獲「咚咚仔小狀元大抽獎」抽奬券1張，有機會嬴得周大福18K白色黃金鑽石吊墜（價值$18,100）或星夢郵輪「世界夢號」6日5夜雙人郵輪假期露台客房套票（價值$15,198），詳程就要留意返場內宣傳海報啦！