豬膶係一門好高嘅藝術，由起手落刀開始，切嘅厚薄度，處理方法，烹煮時間嘅長度，通通都係決定豬膶質感同味道命運性嘅一步！彈牙爽口，滑口又帶少許豬羶嘅感覺真係令愛豬膶者欲罷不能。想出街食到正菜豬膶，唔一定要揸車去深水埗，今次小編就推介返各路高質豬膶美食比大家，鍾意食內臟嘅你記住要Bookmark返喇！

土瓜灣七喜粥麵小廚

A post shared by Edward Yiu 技巧樹熊 (@edwardshyiu) on Mar 26, 2017 at 7:33am PDT

七喜粥麵小廚喺太子、新蒲崗、北角、灣仔等都有分店，不過小編始終鍾情於土瓜灣舊店，喺眾多分店同小編私心推介排行榜入面，佢嘅排名絕對係最高！由於土瓜灣有兩間分店，要認住以下呢個地址先係麵食嘅鋪頭，如果過咁隔離街鋪，就未必食舊鋪嘅滿分㗎喇～

A post shared by 米露 MeloDy (@mymelodyyip) on Nov 15, 2017 at 8:53pm PST

七喜嘅豬膶極厚切，Size不一，但塊塊都有匙羹咁大，超級肥美，一碟有7-8塊非常足料。一啖咬落去，徹底地做到「完美」豬膶嘅口感：脆口彈牙，咬到入面腍韌度適中，食落到無熟透豬膶嘅硬身同粉乾，有肉汁得嚟無滲血水，Fing吓佢仲識動L，生熟程度做到100分！小編食咗廿幾年豬潤都未試過呢種水準，真係冇得輸！

而呢度嘅驚喜位就係豬膶撈麵，亦係小編嘅重點推介！撈麵上面有大量薑蔥，最特別嘅地方係佢唔係撈蠔油，而係撈辣！椒！豉！油！爽麵拌住薑蔥加埋辣香，雖然大碟豬膶大碟麵，但一啲都唔膩！食過一次之後真係會上癮成日都掛住佢㗎！

七喜粥麵小廚
地址：土瓜灣江蘇街2號

大圍老表雲吞麵

screen-shot-2018-04-23-at-3-24-48-pm

老表雲吞麵係大圍嘅老字號雲吞麵店，到咗午飯同晚市時間，就算係一個人想搵位都唔容易㗎！除咗雲吞麵之外，呢度嘅豬膶一樣出名！大家見到個餐牌唔好嚇到O嘴，事關呢個價錢真係今個月頭嘅事，係Update㗎！今時今日居然仲有以$30蚊唔洗就食到豬潤麵？一齊睇吓質素啦！

A post shared by KoBi🤓 (@kobiiiiii) on Dec 18, 2017 at 11:39pm PST

比起豬膶麵，呢度嘅街坊更加中意叫豬潤米。豬潤雖然不及七喜大塊，但都質素一樣冇輸蝕！一碟有3-4塊，厚切得嚟都算彈牙，爽滑而且無滲血水，比七喜嘅較為熟一啲，豬膶味就更濃。豬膶同湯分開煮理，所以湯頭都係一般雲吞麵嘅蝦湯。但佢嘅潮洲辣椒油非常有名，同小編一樣重口味可以加辣，米粉索哂辣椒油非常惹味！價錢平，所以麵食份量都較少，但肯定夠女仔做午餐，細細碗都吸引到好多老人家去幫襯～