剪左短頭髮之後，有冇覺得每一日髮型都一成不變咁，但如果想有D變化，淨係識得夾內捲⋯⋯所以今日畀D選擇你地～

中間分界，把瀏海向兩側夾起

呢個髮型毋須花太多時間就可完成造型就係先中間分界，之後再將每邊瀏海向內捲一下，拉鬆頭頂髮絲，再拉到背面以髮夾固定。

凌亂微曲髮

可選擇直徑大小少於25mm既捲髮器，由耳下開始捲。係捲髮個陣可以隨意D，每次拇少少髮絲，一D向內捲，一D內外捲。記得要用手將岩岩夾好既弧度撥鬆，營造一種好似岩岩起身既凌亂感。

低馬尾／低髮髻

早上係時間但又想轉look，最簡單快捷既方法就是紮馬尾。雖然短髮女仔不能紮唔到高馬尾，但低馬尾／低髮髻更顯知性氣質。稍為將頭髮夾鬈，有少少弧度之後再紮馬尾造型會更有層次感。紮好馬尾後，要將頭頂部分髮絲拉鬆，然後再將兩側髮絲拉出，有助修飾臉型。

All Back

梳油頭唔再係男仔既髮型，由歐美時裝週、Hollywood女星／中韓女星們最近都愛上呢款充滿氣勢同個性既髮型，將頭髮洗乾淨之後用吹風機，順著髮流往側後方吹／可以全部向後吹。再將頭髮造型品(髮油、髮露、髮蠟、髮膠)與水混合後，往側後方或後方順順的梳下去。

絲巾頭帶

先綁出低馬尾／低髮髻，然後再帶上復古風既絲巾。利用絲巾折成頭帶，再係馬尾下方簡單綁個蝴蝶結，即刻充滿休閒度假感，非常適合星期六／日去玩既心情。

半丸子頭

呢個髮型好受短髮女生歡迎！先係上半部位置拎出適量髮絲綁出馬尾，再捲成髮髻。最後只要將髮髻拉鬆，多餘既髮絲可用U形夾固定。

蘋果頭

想減齡效果明顯的話，一定要學韓妹成日紮既「蘋果頭」。先係頭頂取出一小攝頭髮，然後紮一條小馬尾，最後再拉鬆頭頂髮絲同兩側取出適量髮絲修飾臉型。

#短髮髮型

#7Days懶人包

Source：Instagram