講到港島嘅黃竹坑，大家多數都只會諗起海洋公園，海洋公園港鐵站已經啟用，呢個交通日漸變個得方便嘅地區都越來越多吃喝玩樂嘅新嘢喇！今期就為大家推介座落喺黃竹坑嘅全新地標——奧華南岸（Ovolo Southside）。

Ovolo Southside係全港首間由工業大廈改建而成嘅精品酒店，裝修時尚而且充滿藝術氣息，由一間獨立經營的酒店管理公司管理，總部設於香港，管理公司旗下酒店都有獲獎無數嘅室內設計、仲有科技為本嘅間設備，而客房內嘅落地大玻璃更加係賣點之一，可以遠望南區景色，正呀！

而酒店內嘅全新餐廳Komune將於12月中旬開幕，係一個以全天候餐飲作主題嘅新熱點！酒店打造兩層高嘅餐飲空間，餐廳連接花園平台，可以容納超過60位賓客，景觀開揚，飽覽南區景緻之餘，更可以遠望到深水灣海景。

酒店希望將Komune打造成南區嘅一個新飲嘢地方，引入首次進駐香港嘅國際知名雞尾酒顧問公司The Cocktail Professors，打造特色雞尾酒。集團營運總監表示Komune以飲品為主打，每款飲品同食品都會全日供應，姊妹們幾時嚟Chill一Chill都得呀！

除左酒精飲品，食物方面都絕不馬虎，餐廳同屢獲殊榮嘅米芝蓮星級廚師Alvaro Torres合作，質素一定有保證！Chill一Chill食啲Snacks飲下嘢嘅話，輕食選擇有美式蟹卷、西班牙肉腸、風乾火腿飽等。至於想一大班Friend嚟食個飯就可以選擇大盤美食，包括烤八爪魚骨髓配日式鰹魚片、四川辣醬慢煮豬肋骨。Vegetarian都有選擇，菜單上超過三成都係素食菜式，唔食肉都可以歎盡米芝蓮星級美食。

網址– www.komune.hk 
地址: 黃竹坑道64號
電話: +852 3460 8157
WhatsApp: +852 6111 7345
營業時間: 早上6點半開始供應早餐, 全日開放