寶寶很苦,但寶寶不說⋯⋯平時返工返學對住無良Freerider、廢柴上司、刻薄老細⋯⋯嗚呀~我漿爆喺呢一個Moment要爆喇!今晚!就今晚!我要約班Friend出嚟吐苦水!返屋企處理完國家大事,宵夜時段出嚟搵個地方一路食嘢一路吹水。串燒份量小小就啱哂喇!星期五晚,睇定以下呢間小店,嚟個Happy Friday聲討大會吧!

紅磡 美味佳

呢間喺紅磡近黃埔嘅串燒店CP值極高!多款串燒價錢都不過係$15以下,價錢平但味道一啲都唔差,因此吸引好多Poly學生同街訪落嚟食,仲起咗個朵比佢叫「肥婆雞」,係唔少人嘅集體回憶~

screen-shot-2018-04-26-at-3-00-02-pm

鋪面唔算太細,大概有50個座位,座位都算闊落唔太迫,小編多次試過閒日夜晚11點左右去到,座位依然有8-9成滿,就算外賣都要排隊,可想言之有幾受歡迎!

A post shared by Bobo Babi (@bobobabi) on

用剔紙仔方式落單,價錢一目了然,姐姐會係食物嚟齊後再去你張枱Confirm一次睇下有冇漏單。飲品就可以自己去雪櫃拎,賣單時再計數,夠哂清楚!不過小店未有酒牌,如果想飲啤酒嘅話就可以去鄰近便利店買,入去一路食一路飲!

如果係當正餐怕唔飽,呢度除咗串燒之外,仲有車仔麵,大碗抵食。不過想攝取碳水化合物充飢,就一定要叫呢度嘅蛋炒腸粉,外皮煎得脆香,內裡軟腍,加埋芝麻醬、甜醬味道一流,份量亦都唔少,如果想試埋其他串燒就要3個人Share啦!

A post shared by @hkfoodie90s on

食串燒不忘食菜,呢度嘅燒韮菜超級大串,擺滿一個碟,燒得香口但唔會太乾,菜嫩無渣,$8一串極抵食!

A post shared by Vivian* (@bigheadvian) on

翠肉瓜先烚熟再燒香,唔會比爐火蒸乾水分縮水,厚切大塊入面仲好Juicy~

A post shared by Food😘Hiking 😁Travel lover (@foodie_sharing) on

粟米一份有兩小舊,份量足一條,兩個人食叫一份啱啱好。

A post shared by iy_z (@iy_z) on

燒茄子同樣係大碟,多肉而且燒得夠腍身,調味唔會過鹹,非常不錯!

A post shared by Paul Wu (@paulwu2die4) on

招牌燒雞全翼(又名肥婆雞翼)$10/串,$26/3串,原隻上大隻多肉,皮脆孜然味香,唔怪得係呢度嘅必食之選!

A post shared by akfoodsearch (@akfoodsearch) on

大部份肉類同丸類都已經用蜜糖、孜然粉調好味。不過咪住咪住!呢度仲有一樣秘密武器,好多人都滄海遺珠。望吓枱面上嘅小鐵罌,就係佢喇!

screen-shot-2018-04-26-at-4-23-23-pm

呢個沙嗲汁先係真正嘅隱世美食,花生、沙茶、同沙嗲香極濃,淋上肉類同丸類將佢地提升到去無敵嘅層次,尤其係加落花枝丸同豬頸肉上面,一秒將佢變成九龍城泰國風味,而且係無限添加,啱哂同小編一樣重口味嘅朋友呀!

日晝工作厭力已經好大,到咗夜晚同一班朋友嚟到地踎小店,喺呢度無需要裝模作樣討好任何人,吔串墨丸大數呢個世界嘅不公,聽日瞓醒又係一條好漢,繼續作戰,呢個就係生活(含淚)

美味佳
地址:紅磡寶其利街2號地舖

喜歡我們的文章嗎?按個讚吧!

關 閉 視 窗

(102)