係女人都鐘意收花？啱呀！不過花嘅燦爛只係得一剎那，女人追求嘅係永恆嘅美麗！男士情人節仲諗住送花？不妨考慮送啲擺得、睇得又用得嘅禮物啦！
Qurade玫瑰花化妝掃
由韓國美妝用品公司Qurade推出嘅玫瑰花化妝掃可以滿足到擺得、睇得又實用嘅願望，粉紅玫瑰金掃柄，花瓣漸變色掃毛，6種唔同大細掃頭，咁夢幻叫女生點抵擋得住呀！
仲有各款唔同顏色選擇，金屬表層嘅掃柄加上掃頭配色，掃柄仲模仿埋玫瑰花莖有刺部份，掃頭嘅浮突位做得好仔細，超級華麗嘅感覺，好似童話故事入面嘅道具一樣呀！
美妝公司仲諗得非常周到，喺運送嘅時候會喺掃頭加上保護網，避免有損壞同保持衛生，成Set一齊送仲靚過真嘅玫瑰花，收到嘅一定Sweet到爆呀！
雖然6種嘅掃頭都係偏大，但勝在掃毛超幼細，而且非常柔軟，上到面都好舒服。
化妝掃長16.5cm，Size適中唔算太大，售價係15000 韓元一枝，大約百令蚊港紙，價錢同一般高質化妝掃差唔多，韓國國內送貨運費係2500韓元，需要3-7個工作天送貨，大家可以考慮返國際集運或者叫朋友代購。
產品官方購物網址：
PC (explore more)- The tracking widget (invisible) is used to trigger the Explore More Widget. Implement it anywhere on the page
