大家都知道2018年春夏彩妝Trend將會一反前幾年流行實色同Matt嘅唇妝，反而會流行返比較接近自然唇色，又帶有光澤嘅玻璃唇。要做到啫喱一樣嘅效果，滋潤度一定要夠，但要用潤唇膏打底先，唇膏原本嘅顏色同均勻度都會受影。想一支搞掂嚟個精精神神嘅彩妝？為你推介日本Cosmo彩妝產品第一位：OPERA  Lip Tint

OPERA  Lip Tint

香港人公認有口碑嘅唇膏牌子離不開國際大牌子，雖然二百令三百蚊都唔算過份，但可以更平更正！用家對於OPERA 產品素質同價錢都一致好評，小編特別推介呢款OPERA Lip Tint，非常適合今季流行嘅妝容呀～

呢款唇膏有幾威？佢分別獲得日本最具公信力嘅Cosmo排行榜總合大賞同埋唇妝用品嘅第一位，直至2018年2月1日，呢款產品仍然穩站唇妝產品No.1，小編去日本行Loft嘅時候，仲見到櫃上面貼住每人限購最多2支嘅告示，可想而知有幾搶手！

OPERA Lip Tint系列總共出咗6種顏色，選擇雖然唔算多，但系列偏向自然嘅顏色就非常適合春夏季。日本濕度較香港低，所以呢款日本產品介乎Lip Tint同Rouge之間嘅質地滋潤得嚟又顯色。

小編喺黃色火災危險警告嘅濕度下試用過之後，認為完全唔需要用潤唇膏打底都可以做到保濕效果，而且非常通透潤澤又易推，顏色實色程度同顯色度都恰到好處，唔需要塗兩層或者再用紙巾同綿花捧調整，完全做到一支搞掂，真係十級好用！

越潤越有光澤嘅唇膏就越容易會沾到衣物，比較容易脫落。OPERA Lip Tint其中一個賣點就係佢嘅持久度！搽上唇膏後唔用飲管，Lip Tint都可以做到唔痴杯，唔留唇印嘅效果。一般較Matt嘅唇膏即使可以做到進食時不脫落，都好難避免隨住時間耐咗顏色氧化嘅現象。而OPERA Lip Tint嘅技術就做到顏色隨時間而變深，唔怕會甩妝之餘仲越夜越靚！

OPERA Lip Tint喺日本嘅售價係1500日元未連稅，香港嘅朋友都唔洗再叫日本朋友代購啦！而家喺指定莎莎分店都有發售，售價$98，分分鐘平過日本！新年化個精神淡妝見親戚拜年啱哂！各位姊妹快啲去揀返支啦！