《悍戰太平洋2:起義時空》上映一個星期,雖然特技依然好睇,不過故事情節同世界觀就成為套戲嘅大弱點,人物交流中英夾雜,對答牛頭唔搭馬嘴;「中國救地球」嘅世界觀,行外人都睇得出中資滲透電影。戲中狠狠對外國人拋出一句「學好中文再講嘢」,真係睇到人下巴跌落地。劇本離奇可以話係套戲其中一個焦點,不過都不及負責拋下「學好中文再講嘢」呢句說話嘅女演員——景甜搶鏡。

mv5bymrhnzk1nzmtymrkyy00mgm1ltk4ytytnjfmmdq2zji0zdnhxkeyxkfqcgdeqxvyntm2nty4nzu-_v1_sx1777_cr001777729_al_

以下內容含劇透成份

唔熟悉內地演員嘅你,又有睇過《悍戰太平洋2:起義時空》,見到張圖係咪即時醒起邊個係景甜呢~無錯,景甜喺故事入面係飾演中國女科學家,一開始現身嘅時候冷淡高傲,目中無人,對身邊所有下屬呼呼喝喝。原本都以為佢就係背後個大奸角,策劃Jaeger自己人打自己人,以促成自己研發嘅無人機大計。點知!正喺角色開始定型嘅時候,就嚟個180度大轉變,景甜由身光頸靚、一個場景換幾套衫,去到最後爛身爛世駕駛部老翻Jaeger拯救世界,睇完套戲真係有一秒懷疑女主角其實係景甜。

liwen-shao-mako-mori-1200x510

就連喺預告入面,要員一字排開,景甜都要企中間。上集好受歡迎嘅女主角菊地凜子只要行埋一邊,今集淪為大配角,出嚟半場唔夠就已經被殺。平心而論,宏觀成套電影,對比埋外國一眾年輕演員,明顯見到景甜實力真係不足,尤其臨尾一場駕駛翻版Jaeger嘅戲份,真係麻麻到一個程度。論演技、氣質、風格等,都不及內地一線女星,但偏偏能夠成為近年荷李活曝光率最高嘅女演員,好多人就推測景甜背後應該有好強大嘅後台⋯⋯

jing-tian-pacific-rim-2

現年29歲已經同不少殿堂級中港巨星合作,好似2013年同成龍、劉燁一齊主演《新警察故事2013》,甄子丹、安志杰嘅《特殊身份》;2014年周潤發、謝霆鋒嘅《賭城風雲》;2016年仲進軍埋荷李活,同《火星任務》男主角麥迪文一齊演出大製作《長城》;連《金剛:骷髏島》都有佢份,而且鋪定哂戲路,好可能喺續集擔任重要角色,以上電影中景甜多數都係第一女主角,戲份絕對唔係路人甲嘅Level!

the-great-wall

screen-shot-2018-04-06-at-12-13-14-pm

大部份人都覺得甜品演技有進步空間,不過佢嘅知明度確實已經衝出亞洲。好多新晉演員進軍亞洲市場後,都會同大明星「集郵」影相,不過景甜就係同以下嘅世界級人馬合照⋯⋯

2387967

img422553947

the_great_wall_premiere

對於一個資歷唔深嘅演員嚟講,景甜嘅人脈同機會真係多到令人離以置信,所以對於景甜嘅神秘背景,外界一直有不同猜測。有傳佢中國首富王健林嘅親生女,而王健林就正正係收購《悍戰太平洋2:起義時空》製片商——傳奇影業嘅萬達電影大股東; 都有傳佢男朋友係有份投資電影嘅大企業要員。不過最近佢就親身破解呢個傳言,因為景甜真的戀愛了!

screen-shot-2018-04-06-at-1-16-41-pm

screen-shot-2018-04-06-at-1-16-59-pm

宇宙景甜嘅男朋友就係佢啦!中國乒乓球選手張繼科,現年30歲,係全中國以最短時間達成「大滿貫」成續嘅選手,來頭唔細㗎!3月28日佢地就係微博公然曬命,互相引文:K❤️️T、T❤️️K,閃到要戴黑超,打破所有惴測!希望佢地繼續Sweet落去啦~

screen-shot-2018-04-06-at-1-28-13-pm

 

 

 

 

 

 

喜歡我們的文章嗎?按個讚吧!

關 閉 視 窗

(2800)