豬膶係一門好高嘅藝術,由起手落刀開始,切嘅厚薄度,處理方法,烹煮時間嘅長度,通通都係決定豬膶質感同味道命運性嘅一步!彈牙爽口,滑口又帶少許豬羶嘅感覺真係令愛豬膶者欲罷不能。想出街食到正菜豬膶,唔一定要揸車去深水埗,今次小編就推介返各路高質豬膶美食比大家,鍾意食內臟嘅你記住要Bookmark返喇!

土瓜灣  七喜粥麵小廚

七喜粥麵小廚喺太子、 新蒲崗、北角、灣仔等都有分店,不過小編始終鍾情於土瓜灣舊店,喺眾多分店同小編私心推介排行榜入面,佢嘅排名絕對係最高!由於土瓜灣有兩間分店,要認住以下呢個地址先係麵食嘅鋪頭,如果過咁隔離街鋪,就未必食舊鋪嘅滿分㗎喇~

A post shared by 米露 MeloDy (@mymelodyyip) on

七喜嘅豬膶極厚切,Size不一,但塊塊都有匙羹咁大,超級肥美,一碟有7-8塊非常足料。一啖咬落去,徹底地做到「完美」豬膶嘅口感:脆口彈牙,咬到入面腍韌度適中,食落到無熟透豬膶嘅硬身同粉乾,有肉汁得嚟無滲血水,Fing吓佢仲識動L,生熟程度做到100分!小編食咗廿幾年豬潤都未試過呢種水準,真係冇得輸!

img_2546

而呢度嘅驚喜位就係豬膶撈麵,亦係小編嘅重點推介!撈麵上面有大量薑蔥,最特別嘅地方係佢唔係撈蠔油,而係撈辣!椒!豉!油!  爽麵拌住薑蔥加埋辣香,雖然大碟豬膶大碟麵,但一啲都唔膩!食過一次之後真係會上癮成日都掛住佢㗎!

七喜粥麵小廚
地址:土瓜灣江蘇街2號

大圍 老表雲吞麵

screen-shot-2018-04-23-at-3-24-48-pm

老表雲吞麵係大圍嘅老字號雲吞麵店,到咗午飯同晚市時間,就算係一個人想搵位都唔容易㗎!除咗雲吞麵之外,呢度嘅豬膶一樣出名!大家見到個餐牌唔好嚇到O嘴,事關呢個價錢真係今個月頭嘅事,係Update㗎!今時今日居然仲有以$30蚊唔洗就食到豬潤麵?一齊睇吓質素啦!

A post shared by KoBi🤓 (@kobiiiiii) on

比起豬膶麵,呢度嘅街坊更加中意叫豬潤米。豬潤雖然不及七喜大塊,但都質素一樣冇輸蝕!一碟有3-4塊,厚切得嚟都算彈牙,爽滑而且無滲血水,比七喜嘅較為熟一啲,豬膶味就更濃。豬膶同湯分開煮理,所以湯頭都係一般雲吞麵嘅蝦湯。但佢嘅潮洲辣椒油非常有名,同小編一樣重口味可以加辣,米粉索哂辣椒油非常惹味!價錢平,所以麵食份量都較少,但肯定夠女仔做午餐,細細碗都吸引到好多老人家去幫襯~

A post shared by Kelvin (@kfckelvin) on

老表雲吞麵
地址:大圍積信街18號地下

佐敦 潤潤麵

screen-shot-2018-04-23-at-3-53-51-pm

食厭咗淨麵可以試吓蕃茄同豬膶配搭!蕃茄豬膶湯底濃,湯頭質地厚結仲好香好香薑味,建議配公仔麵一齊食就夠哂掛湯。比起前兩間,豬膶切得較薄同細塊,彈牙程度雖不及以上兩間,但係就好有媽媽住家飯嘅味道!

同場加映嘅係呢個豬膶包,薄切豬膶加埋薑蔥炒熟,夾入餐包鹹香惹味,豬膶質地比麵食放湯嘅更為爽彈,反而更加值得一試!

潤潤麵
佐敦廟街306號地下D號舖

喜歡我們的文章嗎?按個讚吧!

關 閉 視 窗

(233)