要食平價熱狗，香港人大會想到IKEA的10元熱狗餐，飽肚之餘，汽水可以無限添飲，行完街歇一歇絕對是超值之選。年中銅鑼灣hmv店內小食檔開幕，同樣有熱狗包提供，面積不大，設有少量座位，比起IKEA的立食環境較佳。最近連新開的旺角分店都有得食，在九龍活躍的朋友都終於可以一試。

熱狗有3款價錢，最平5蚊有交易，可以任加醬汁，包括酸瓜、茄汁、芥末、千島醬三款；$12的一款更可免費任加粟米、肉醬、洋蔥和紅黃椒粒。黑松露熱狗不吝嗇的加入滿瀉松露醬，也只售30元。店內有啤酒出售，半Pint Asahi售$15，大杯裝也只是$30，唱片鋪、熱狗加啤酒，「識歎一定係咁歎」！

熱狗迷注意：hmv熱狗大胃王聖誕爭霸戰

召集所有食得夠快又擦得的熱狗迷！自問肚皮是個黑底黑洞的你，小編誠意推薦你參加「hmv DOG 大胃王聖誕爭霸戰」！贏得聖誕大胃王寶座後可以在hmv 免費瘋狂搶購60秒，獲得高達$20,000聖誕禮物。活動推廣期間在中環店購物滿$100即賞你熱狗一隻。

注意報名名額只有2000個，12月6日截止。比賽分為初賽及決賽進行，在3分鐘內食得最多的參賽者則可稱王。

報名網址如下：
https://docs.google.com/forms/d/e/1FAIpQLSexPTkMqwn1SBiM8nhdfOQlPr4komTtlb6Km05OrSZ6xZ_uQA/viewform

快D叫你個大食黑洞Friend一齊參加啦！