4年前，喺台北舉行嘅2014年亞洲青年女子排球錦標賽，傳媒捕捉到一位菜鳥哈薩克選手，以後備選手身份落場只係一段短時間，就登埋上國際新聞，世人嘅目光竟然係落喺佢嘅美貌上！？
皮膚白、水汪汪大眼、留住平蔭瀏海、面豬仲帶啲Baby Fat，重點係身高有成182cm，淨係對腳都長120cm。以為9頭身已經係人類嘅極限？錯！Sabina Altynbekova 係12頭身呀！
驟眼睇落係咪有啲似日本妹呢？好多人都話佢好似喺漫畫入面走出嚟人物，五官標緻得嚟合乎比例，笑起上嚟仲甜到漏出嚟，媽～係仙氣呀！
就因為似足日本妹，所以喺日本都好有Market。2015年出道日本球壇，紅到上日本綜藝電視節目，仲有接廣告同代言，有埋日本經理人，真係明星一樣㗎！
去到日本發展咗一排，女神就開始變啦⋯⋯有網友就發現女神無啦啦變咗樣，下巴突然變尖，鼻翼細咗，鼻樑變咗間尺鼻，面部肌肉都變得好唔自然，變咗個膠公仔嘅樣⋯⋯
有人就話女神可能只係化妝化濃咗，或者係影相角度問題啫～未必係大家諗到咁壞嘅⋯⋯睇完相之後，係咪即刻有啲懷念以前嘅佢呢⋯⋯
PC (explore more)- The tracking widget (invisible) is used to trigger the Explore More Widget. Implement it anywhere on the page
