SM旗下組合 f(x) 門面擔當成員Krystal嘅臉蛋同身材都係女性極渴望擁有嘅條件，出道至今冇見Krystal肥過，亦都冇一刻唔係以最佳狀態示人，就算係非公開場合嘅照片都一樣靚到Poster咁，啲仙氣由骨子裡滲出嚟！
骨架同身型比例係Model級數，連時尚觸覺都係世界級，有時青春氣息，有時走成熟路線，「機場時尚」好似Catwalk天橋一樣。
2014年播放嘅真人騷《Jessica & Krystal》見佢兩姊妹每一集都不停食，尤其係Kyrstal，連做完嘢第一時間都係趕住去買麵包，當時做嘉寶嘅少時成員孝淵同Tiffany都話佢兩姊妹係大吃貨！
上天會唔會太唔公平，小編一路都以為長頭髮、瘦係女神嘅條件，原來真正嘅女神根本唔需要呢啲條件！上年年尾，Krystal為咗電視劇《機智牢房生活》裡面嘅角色而故意增磅，仲剪去長及腰嘅秀髮，飾演單純努力嘅大學生，同上一部作品《河伯的新娘》裡面嘅水神形象有好大分別，不過秀晶照樣演繹到101分！
今年2月尾見到Krystal面豬登明顯比之前漲得多，V面下巴都已經消失，仲出現疑似雙下巴同頸紋？！
前幾日喺機場被影到嘅照片可以見到Krystal塊面雖然瘦返小小，不過唔知因為著錯衫嘅關係，Krystal上下身都好似漲咗幾個碼，連鎖骨都唔見埋！？
通常韓國女團成員一肥咗就會比Fans投訴，不過外界對於秀晶變肥嘅反應就有讚無彈！一方面驚訝原來「鄭氏姊妹」最強基因都會長肉，另一方面就大讚肉肉水晶可愛度暴升十倍。網民更加留言話：我也想胖成這樣！
原來女神都會肥，但肥咗嘅女神，都係一樣如此無敵⋯⋯嗚呀～
PC (explore more)- The tracking widget (invisible) is used to trigger the Explore More Widget. Implement it anywhere on the page
