尖沙咀又有好嘢食啦！！新開咗一間超高質素嘅立食壽司店，食材每日由築地直接新鮮運送，而且壽司係即點即做，師傅做好壽司後就會放喺客人面前，感覺好似置身於築地一樣呀。咁高水準嘅壽司最便宜$9就食到，性價比咁高嘅日本料理點可以錯過呀！！
白子壽司
每月都會有不同嘅期間限定食品，12月就有鱈魚白子壽司同特大鰤魚壽司。白子含有豐富蛋白質，被日本人視為最期待嘅滋補良品。經過慢煮技術，再加上獨特嘅調味，令到白子壽司成為人間美食。
真冰見港特大鰤魚壽司
極為罕有及油脂豐
赤貝壽司
食材由築地新鮮直送。除咗用料新鮮，醋飯方面亦十分講究，選用江戶前與兵衛赤醋再配搭日本福井米，酸味俾普通白醋味道更香。
海膽特盛
金黃色澤嘅海膽非常清甜，有入口隨即溶嘅感覺，味道甘香濃郁，非常鮮美。
三文魚子壽司
除咗海膽，人氣食品仲有三文魚子壽司，師傅毫不吝嗇咁將魚子堆滿壽司上面，真係心心眼呀！！粒粒分明嘅魚子充滿魚油香味，簡直係視覺同味覺享受。
佢地嘅壽司組合都好值得推介㗎，火灸系列同特上吞拿魚盛合都好受歡迎，有齊大拖羅、中拖羅同赤身，真係大滿足呀！！
立鮨
地址：尖沙咀金馬倫道23號金馬倫廣場地下D舖
營業時間：星期一至日 ／12:00 – 22:00
PC (explore more)- The tracking widget (invisible) is used to trigger the Explore More Widget. Implement it anywhere on the page
