日本人無過農曆新年嘅習慣，所以每年1月1到3號，佢地都會用盡全副精力慶祝，呢個大日子都成為咗商家嘅戰場。其中一樣日本最出名嘅就係買福袋啦！所謂福袋，就係將幾樣商品組合埋一齊擺埋一袋，而大多數牌子嘅玩法都係唔話比你知入面有咩，只係大概透露有概內容；亦有商家會將福袋分為唔同價錢，豐儉由人。日本人為咗買大熱福袋年年都排哂長龍，可以嘅就會預早上網訂購，有神秘感又會有驚喜之餘，仲好易可以用超抵價錢買到啱洗貨品。
2017年尾，各位去日本嘅「戰友」係時候要做定功課啦！趁日元仲係低位，大家Mark實心頭好準備出擊啦！
Peach John
小嶋陽菜代言嘅Peach John今年就推出咗4款福袋，分別係時裝、家居服、內衣套裝同內褲組合。 圖左嘅家居服福袋包括一套睡衣、打底衫、浴袍同內褲，5件item福袋售價¥4320。圖右則為時裝福袋，包括兩件針織上衣、一條One Piece裙或上衣，一件Bottom，Total 4個item售價¥3240。
內衣套裝一共9樣Item：4個Bra，加5條內褲，售價¥5400；另一款則有4條內褲同1條丁字褲，5個item售價¥1620。
WEGO
WEGO出品無論款式定Size都可以話係穩陣之選，而且抵買到爆！男裝福袋12個item都只係¥10800，港紙1000蚊都唔洗；女裝福袋連埋飾物總共18個item，售價¥8640，年輕人首選！
女生們嫌18個item嘅福袋都唔夠著？唔緊要！WEGO直情成箱比你，冇睇錯，係箱！係一個有21個item、貨品總值￥56000、40 cm × 48 cm × 60 cm 嘅福箱！不過只係WEGO online store限定，以低過半價買齊21樣嘢，我要衝啦！
Snidel
喺日本Top 3 時裝雜誌《Vivi》老是常出現嘅Snidel都有推出Happy Bag！走貴族甜美風路線，平時呢個牌子都唔算平㗎！今次嘅福袋￥10,800可以買到4個item，絕對合理！
福袋內有Snidel招牌甜美大褸、針織上衣等4件人氣商品，做個靚靚日本妹過個Kawaii新年無難度呀！
ERVIS
由人靚腿長嘅佐佐木彩乃Produce嘅EVRIS，2018福袋售價¥12960。包括一件針織外套同一個大Travel Totebag，另加4件其他產品，總共6個item，全部貨品加埋原價要成¥35000，福袋真係抵好多！
福袋送嘅外套可以自選粉紅或者黑色，Size分為S同M ，仲有個Travel Tote可以斜咩同側咩，至於另外4樣就係神秘item。
Triumph
Triumph嘅內衣價錢屬於中價位，佢嘅福袋就真係好抵買啦！Bra連Panty 3套裝都只係￥4698, 平時呢個價錢都未必買到一套！
超過20個款式，喺訂購嘅網頁可以選擇返自己嘅Size，咁就唔怕唔啱身啦～
Francfranc
連家品牌子都有推出福袋！Francfranc嘅福袋有分Travel Set同Party Set，等你去到邊都有「家的感覺」！兩種Happy Box售價都係¥5000。
Francfranc今次仲玩埋大抽獎，中獎機會仲有成10分1咁多！部份嘅Happy Box入面放咗¥1000 Coupon，只要買夠¥3000就可以使用，去到2018年3月31日，不過要注意除咗日本地域分店，其他海外店係用唔到㗎！
PC (explore more)- The tracking widget (invisible) is used to trigger the Explore More Widget. Implement it anywhere on the page
