日本酒精飲品市場競爭大，而且當地人鐘意當飲酒當為生活一部份，需求都有返咁上下，好多飲品公司都要Keep住推出新產品保持銷量。最近可口可樂公司都決定要進軍酒精飲品戰場，表明將會推出品牌成立多年以嚟首款酒精飲品，以實驗性質試試水溫先！

其實燒酎High Ball喺日本已經唔係新嘢，簡單嚟講燒酎High Ball就係將燒酎混合梳打水，加入檸檬汁，隨喜好都可以將檸檬汁改成其他果汁或飲料。

將可樂加入燒酎唔係創新嘅口味，好多飲品牌子都已經推出過類似酒精飲品， 今次可口可樂攞返正牌出自家口味燒酎，講到明產品酒精濃度會較低，易入口等你好似飲緊普通可樂咁！

估計味道會似Jack Daniel’s COLA，都未必有太大突破。包裝方面可口可樂公司就表明會先推罐裝，而且會先喺日本推出試試反應，暫時未有外銷計劃，想試嘅到時可能要叫去日本旅行嘅朋友帶返嚟做手信啦！