氣溫持續上升，夏天真係要嚟喇！香港悶熱潮濕嘅天氣令皮膚吃不消，以下落嚟幾樣轉季must item就可以幫你做到「零死角」輕鬆渡過春夏！
COGIT Hair Line Tint
天氣咁熱，出戶外活動嘅時候紮起All Back清爽好多！不過頭際線唔整齊或額頭大，All Back咪等如自暴其短？其實頭際線都有得修飾嘅！呢支Hair Line Tint有兩款大路顏色，一邊係上色筆嘴，另一邊係掃頭，填滿頭髮較疏嘅位置掃開即可，唔要瀏海露出額頭一樣No Problem！
L:Oil Face Mist
長期坐喺冷氣地方做嘢，好多OL都有支保濕噴霧擺枱頭，但係有冇發覺噴極都仲係好乾？因為水分只係停留喺皮膚表面，隔一段時間又會比冷氣抽乾。L:Oil 係一支水油噴霧，上面有一層美容油成份，用之前輕輕搖勻再噴上面，有油份係表面鎖住水分，就唔怕越噴越乾喇！
酵素配合温感角質ツルツル綿棒
夏天油脂分泌旺盛，要將黑頭清理行動升級！如果朝早起身照鏡先發現鼻上面嘅黑頭多到就嚟要自己甩出嚟，但又冇時間用熱敷完又冷敷，呢個時候温感角質綿棒就要出動喇！入面嘅溫感酵素活動發出微暖，令毛孔深層污穢浮面，再用綿花頭捽走角質，用完即棄，出門前極速KO黑頭！
新谷酵素：夜遅いごはんでもDIET
過去嘅冬天大家都囤積咗唔少脂肪（笑）咁趁未去到最熱要著背心短褲嘅時候就要甩走佢地喇！夜遲酵素係針對經常OT搞到遲食晚餐、或者係要參加聚會應酬而食過量肥膩嘢嘅人。一盒有30小包，每包有5粒酵素，一包分量就已經分解到29碗飯，31件蛋糕，148杯啤酒嘅糖分。如果真係食多咗都可以用佢嚟補飛，聽日再踏上瘦身呢個無盡嘅旅途。
BeauLy Hair Dry Towel & Cap
夏天其中一樣女仔最怕嘅事就係吹頭，就算洗完有幾清爽都好，只要一吹完頭就即時變返大汗疊細汗，頭先個涼真係白沖一樣！有咗快乾浴巾，只要洗完頭用佢包住頭髮，入面嘅特強吸水纖維就會快速吸去水份，大大縮短吹頭時間！仲有浴帽款式，可以包住個頭一路做其他嘢都唔怕會甩，啱哂朝早趕時間用。
Dr. Scholl 消臭・抗菌 Spray
夏天身體任個部位都特別大汗。著平底鞋或者高踭，冇得著襪嘅時候，要除鞋戈時就真係「仙樂飄飄處處聞」～呢支鞋類除臭噴霧可以殺菌消臭，以後唔洗一入屋除鞋就眾叛親離啦！
