女仔見到粉紅色會心心眼，見到朱古力會雙眼發光，咁如果見到粉紅色嘅朱古力，又會點呢？以為係好人工香料味道同顏色嘅士多啤梨朱古力？錯啦，係新品種嘅紅寶石朱古力！無論係顏色同味道都係無添加任何人工添加劑，100%天然㗎！
紅寶石朱古力 Ruby Chocolate
紅寶石朱古力係由全球最大可可豆製造商Barry Callebaut研發，原材料係新品種Ruby Cocoa Bean，產自科特迪瓦、厄瓜多爾、巴西等地方。佢嘅粉紅色同係全天然色素，味道帶酸，有淡淡莓香，但就較一般朱古力口味清淡，絕對係全新體驗！
廠商其實早喺上年9月已經對外公布呢個新產品，不過就未有確實嘅開售日期，xxx近日終於都再有新消息：KitKat 將成為全球首個出產紅寶石朱古力食品嘅品牌！喺1月19日，日本同韓國KitKat正式發售Ruby Chocolate Stick，單支售價400日元，唔算貴。喺美國、英國、法國等其他9個地區都可以線上買到，不過就只係限量發售7日，只供應5000件。
嚟到呢個時間，上面呢款Chocolate Stick都應該賣到七七八八，而且香港又冇份喺首賣地區名單入面。以為就咁就再冇機會？The best is yet to come！
上面呢個禮盒分兩個Size，分別係5件裝同7支裝，售價係1800日元同2400日元。除咗紅寶石之外仲有其他2款口味，重點係：香港同澳門都會係呢個禮盒嘅發貨地區！2月1日會正式開售，同樣係全球限量5000盒。而家開始已經可以喺下面網址預約購賣，預約成功嘅話會喺稍後時間收到確認電郵，點擊入面嘅連結確定購買完成程序就得㗎啦！希望仲趕得切喺情人節前收到啦～
官方預約購賣網址：
https://shop.nestle.jp/front/contents/mail_kitkat_ruby/#header
PC (explore more)- The tracking widget (invisible) is used to trigger the Explore More Widget. Implement it anywhere on the page
