最近大家如果有跟開爆紅Busker Judas Law 的話應該都有機會見到多左個型棍唏噓大叔，亦係琴日同大家提及既踩場大叔柳重言。雖然佢地話會多D合作但又未有講做咩，連拜師大會又無、Hardsell Product又無，依舊都只係Jam歌，究竟係到做勢定做緊咩? 睇到我都一頭霧水..
後生一輩可能唔知邊個係柳重言，仲隨時以為係旺角菜街大叔走黎痴Judas…..其實柳重言Jim Lau 可以話係香港樂壇之父之一，寫過無數情歌，90及00年代唔少情歌都膾炙人口。為香港其中一個多產的音樂人，他的作品有很多，較廣為人知的是為陳奕迅創作《今日》、《每一個明天》、《單車》等一系列歌曲，其他優秀作品還包括王菲的《紅豆》及張國榮的《冤家》。不過不少樂評人其作品都是同一評價，就是好難唱。亦因如此，他的歌曲大多得到歌手的青睞，包括王菲及陳奕迅。但無論歌曲有幾紅，他還是背後那個不太為人所知的作曲人。
然而最多人認識….可能係….曾嘉莉 – 百變小櫻
近年10柳重言近乎消失於香港樂壇，只有最近幾年係中國節目「中國好歌曲」上登場。不過得罪講句，香港樂壇近10年除左容祖兒陳奕迅，大家仲諗到有邊個叫唱得之人叫做捱得住? 連舞台上既都咁難捱而且好既選擇少，背後既音樂人又點會容易生活…
所以今次柳重言走番出黎，一個資深音樂人竟然會願意同一個街頭音樂人走埋一齊Busking 真係好令人意外，不論係柳重言技癢抑或係一個宣傳計劃，能夠令一個資深殿堂級音樂人願意夥拍一個連尚未叫真正踏入樂壇既新人合作，依個新人一定有個人獨特之處，而唔係單單爆紅或者多Fans 圍就能夠造就今次合作。
Judas 今次既舉動的確令人期待究竟憑咩被選中合作，更令人期待因咩事走埋一齊合作。兩人曾經公開相識時間好短，能夠擦出火花唔多唔少一定有外人幫忙，除非….係親戚啦…。排除依個可能性，淨番究竟係娛樂公司睇中Judas 抑或有咩Product 願意花上如此人力物力結合兩者相隔不少於3代既音樂人?
