Google喺12月13日公布咗一系列香港區嘅熱門搜尋排行榜,公開港人平時最常搜尋嘅關鍵字,當中仲有「熱爆食譜搜尋排行榜2017」,有好多都「估你唔到」嘅關鍵字㗎!我地一齊Countdown 啦!

第10位:雞煲

c4a7959
香港人無論男女老幼、春夏秋冬出街食飯第一時間都會諗起雞煲,做法同材料唔算複雜,想喺屋企試做成功率都應該幾高,難怪咁多人Search呀~

第9位:秋葵

其中一個「估你唔到」喺第9位已經出現啦!秋葵算係近年新興嘅健康食材,質地黏潺,黏液喺口腔裡面會越𡁻越結,唔係人人都接受到。不過都好多人想嘗試將佢煮得好食,所以先搵Google大神幫手,所以第9位係你啦!

第8位:芋圓

maxresdefault
成日喺旅遊飲食Page老是常出現嘅芋圓,無論係口感同外觀都有神奇嘅魔性,令人好想大啖大啖放入口!雖然香港最近都有糖水鋪開始有賣芋圓甜品,但始終數量唔多。雖然製作過程需要心機同時間,但一樣好多人想Homemade呀!

第7位:蛋糕

screen-shot-2017-12-14-at-1-04-00-pm
大時大節、生日聚會,其中一樣最有誠意嘅禮物就係自家製蛋糕啦,變化多,可以從簡又可以隆重其事,所以小編每次都會Google最容易嘅食譜(哭笑)

第6位: 冬瓜

冬瓜確實係夏天消暑嘅食材,不過多數都係用來煲湯,想知道多啲新食法就要上網搵下食譜啦~

第5位:蘿蔔糕 簡易

maxresdefault-1
冬天白蘿蔔當造,新年無論係老人家定後生一輩都會整返幾底蘿蔔糕應下節,現代人也都想快,所以就造就咗「蘿蔔糕」同「簡易」呢個關鍵字成為第5位啦!

第4位:海參

screen-shot-2017-12-14-at-3-29-43-pm
年尾做冬,年頭開年,當然要食餐好!海味就梗係唔少得海參啦~不過要煮海參煮得又腍又入味都要好多功夫,事前Google下做好準備先就啱哂啦~

第3位:牛油果

screen-shot-2017-12-14-at-3-35-20-pm
又係近年新流行嘅食材之一,好多外國網站都話佢有減肥功效,雖然效果成疑,但食法就有好多種,可以打成醬配麵包或者墨西哥片,仲有⋯⋯等小編都Google下先~

第2位:茄子

茄子都算係一種普遍嘅食材,最常見嘅有魚香茄子,仲可以涼伴,都幾容易Handle,所以都入選第二位都算幾「估你唔到」

第1位:羊腩煲

img_3970-1
冬日限定嘅羊腩煲榮登第一位,羊肉要處理得好先唔會有羶味,要炆得又腍又入味就更高難度啦!所以搵Google大神幫幫忙都係明智㗎!

 

第10至第1位倒數完,又同你心目中嘅有冇出入呢?

 

喜歡我們的文章嗎?按個讚吧!

關 閉 視 窗

(4959)