近年好多韓國零食都受吹捧,勝在外形得意,味道唔差,最重要係有Gimmick!之前大熱嘅有益力多軟糖,仲出埋沙冰,味道真係做到神複製,唔怪得成日缺貨!
另一樣韓國人好鐘意嘅嘢就係燒酒啦!食品商當然唔會放棄呢個機會,乘勢推出各樣「周邊商品」,包括以下呢樣⋯⋯

燒酒口味軟糖!外型係典型綠色韓國燒酒樽,味道仲有淡淡酒香?其實原圖係由南韓燒酒品牌「Good day」(좋은데이)係SNS發布,由於貼子受到韓國民眾、甚至其他地區網民熱討論,紛紛留言問「可以喺邊購買」,所以公司都出嚟澄清返,話呢個係開發中商品嘅預想圖,各位都仲要等下喇~

未完!未完!未完!以下呢個商品係真㗎啦!

便攜式燒酒:魅力果凍

驟眼以為佢只係普通雪條?NO!未成年嘅好孩子千祈唔好擺入口呀!呢款係頭先提到嘅韓國燒酒品牌新上市嘅商品:魅力果凍,讓你感受燒酒嘅魅力!
25507789_1593499554050912_1936703711588239123_n
同軟糖唔同嘅地方係:佢係真材實料有酒精成份,而且度數仲要唔低,有成16.9度!唔飲得嘅朋友千祈唔好亂試,食完真係會頭暈發熱呢啲醉酒徵狀㗎!

 

25399066_1593499517384249_5164947376775052149_n
一盒有3支,總酒精含量有成一支燒酒咁多,真材實料!果凍條裝比起燒酒嘅玻璃樽身輕,難怪叫做便攜式燒酒,一推出官方facebook詢問度就超高!

不過重覆多次:未成年切勿飲酒!未成年切勿飲酒!未成年切勿飲酒!因為太重要所以要重覆3次,各位成年人都要量力而為囉~

喜歡我們的文章嗎?按個讚吧!

關 閉 視 窗

(15439)